Som innflytta Oslo-kvinne, er noko av det eg set mest pris på med Stord den umiddelbare nærleiken til alt, spesielt natur og landbruk. Me er heldige her på øyo, som har både fjell, kyst, frodige beiter og god matjord. Dette må me verna om! Det er enkelt å tenkje at ein ny veg eller eit ekstra hus ikkje betyr noko, men realiteten er at me held på å dele opp naturen i så små bitar at arter forsvinn, økosystemer vert øydelagt og vilkåra for eit effektivt, berekraftig landbruk blir borte. Eg meiner at både folk og industri på Stord er meir enn klare for å tenke nytt om korleis me nyttar arealer, og at MDG Stord er det rette partiet for å sørgje for denne omstillinga i kommunen.

Mine fanesaker er;

• naturmangfald og landbruk må prioriterast høgare i arealpolitikken
• me må leggje til rette for eit meir berekraftig landbruk, med langt betre vilkår for bøndane
• det må bli lettare for barnefamilier å gjere berekraftige val i kvardagen
• utbygging av gang- og sykkelveger